Musikkquiz
Kl. 20.30, Sundrehall

Øystein Velure og Morten Gjeldokk har hatt residens på Sundrehall sidan påske for å sikre seg god plass på årets musikkquiz, og duoen har som vanleg meir spørsmål enn svar. Dei går sjeldan i djupna, men spør vidt og breitt, og kjem ofte med gagnlaus og lausaktig informasjon til oppgåvene. Kom med nypussa briller, nyfeia øyregangar og gode vener til musikalsk kunnskapsleik for vaksne med servering. Maks 5 deltakarar på kvart lag og meld gjerne på laget ditt på førehand. Påmelding sender du til folkemusikkveka@gmail.com. Flotte premiar til vinnarlaget!

Frøkedal & Familien
Kl. 22:30, Sundrehall

Særprega folkpop som står både rocken og folkemusikken nær. Frøkedal & Familien har fått varm omtale i The New Yorker og The Sunday Times, har spelt live på BBC Radio 6 og mottatt to Spellemann-nominasjonar. På Folkemusikkveka får vi høyre bandet i eit nært og nedstrippa kvartettformat med m.a. gitar, feler og langeleik. 

Anne Lise Frøkedal (vokal, gitar)
Olav Christer Rossebø (fele, mandola)
Ingeleiv Berstad (fele, vokal)
Anders Hana (langeleik, gitar, munnharpe)


Foto: Vidar Landa_Polar-Artist